Fact-Check Timor-Leste

Vizaun

  • Sai nu’udar organizasaun independente, no dinamiku ne’ebé partisipa ativu atu haroman no dezenvolve abilidade públiku hodi hanoin kritiku.
  • Aumenta konsientizasaun ba perigu hoax, diskursu odiu no provokasaun
  • Kria sosiedade sivil ida ativu, dame, no prósperu.

Misaun

  • Servisu hamutuk ho parte seluk atu kombate hoax no diskursu odiu
  • Dezenvolve organizasaun ne’ebé forte, kredibel, no akontabilidade hodi atinje objetivu
  • Akomoda aspetu sosial positivu hotu atu kria sosiedade ne’ebé edukadu no anti-hoax.

STOP HOAX

STOP HOAX nu’udar programa Fact-Check iha Timor-Leste.

STOP HOAX Timor-Leste nia objetivu atu treina jornalista sira atu oinsa bele hala’o Fact-Checking, no mós ativa sira nu’udar ajente literasia dijital.

STOP HOAX Timor-Leste mós atu treina joven foin sa’e sira no dona de casa atu iha konsientementu kona-bá perigu hoax, to’o ona habelar hoax ka esforsu atu hapara habelar hoax, no iha abilidade halo verifikasaun ba faktu ho dalan simples.

Ho kapasita sira ho abilidade verifika faktu, espera katak alvu sira ne’e bele proteje a’an no proteze sira nia familia hosi virus hoax. Esperansa liutan mak kapasita ajente sira ne’e nu’udar ajente ne’ebé ativu kombate hoax iha ida-idak nia hela fatin.

STOP: Hare, Ko’alia, Observa, no Prevene/Públika.

KONTRA

Ho teknolojia ne’ebé avansadu demais la’ós lori moris hakmatek mai ita, maibé prejudika tebes ita nia moris sosial tanba hoax barak. La’ós buat ida fasil atu kombate, ninia tarjetu ne’e kuaje atu ba ema hotu. So iha lia fuan ida de’it; KONTRA, maibé kontra ho meius (dalan) saida?
Ami iha tools naton no koñesementu itaon hodi kontra informasaun hoax ne’ebé naklekar iha plata forma media sosial.

Sai heroi Anti Hoax

Sai heroi anti hoax ho maneira prudente utiliza social media, ho la fahe narnaran kontein hosi fonte ne’ebé la klaru, sempre check no re-check verasidade informasaun, sirkula no halo kontein positivu no ajuda halo klarifikasaun verdade ba kontein hoax.

Team

Responsavel kanal Fact-Checker Timor-Leste ne’e mak Raimundos Oki no Armindo de Jesus.

Kanal ne’e jere hosi Raimundos Oki, Armindo de Jesus ne’ebé hetan tiha ona formasaun metodu verifikasaun no fact-check hosi Google News Initiative iha tinan 2018 no 2019.

Raimundos Oki nu’udar jornalista full time hahu hosi tinan 2009 to’o 2018, no hosi tinan 2018 to’o ohin loron nu’udar Freelance Journalist no Jornalista Kontributor ba The Associated Press (AP), Jiji Press no Jornalista Korespondente ba TEMPO Jakarta, Indonesia.

Raimundos Oki tuir ona treinamentu Fact-Checking dala rua (2018-2019) ne’ebé oferese hosi Google News Lab iha kuartel jeral Google Asia Pacific iha Singapore kona-bá oinsa uja tools balun hodi luta hasoru disinformation no misinformation, liliu ba informasaun sira ne’ebé espalla iha plata forma media sosial.

Armindo de Jesus nu’udar peritu iha IT durante tinan barak nia laran, no iha ona esperiensia serbisu lubuk ida serbisu hamutuk ho misaun ONU iha Timor-Leste, no mós iha Afrika.

Print   Email