Domingu, 02 Febreiru 2020 10:03

#CoronaVirusFacts Featured

Autor
Rate this item
(0 votes)
#CoronaVirusFacts Image courtesy: WHO

Situasaun disseminasaun novo coronavirus (nCoV 2019) ne’ebé mosu iha China iha Dezembru 2019 kontinua evolui.

Tuir mai faktu sira iha horas tuku 9 dadersan iha loron Sesta, 31 Janeiro 2020.

  • Iha loron 30 Janeiru 2020, Organizasaun Mundial ba Saúde (OMS) Regulamento Sanitário Internasional (2005) Komite Emerjensia hasoru malu no diskuti novo coronavirus (nCoV 2019). Hafoin sorumutu komite, OMS hasai deklarasaun ida (a statement) anunsia katak virus korona aumenta nu’udar Emergênsia Saúde Públika de Interesse Internacional (PHEIC). Deklarasaun ne’e katak:

    “Komite konkorda ona katak moras ne’e agora priense ona kriteria ba Emergênsia Saúde Públika de Interesse Internacional (PHEIC) … Komite emfaze katak deklarasaun PHEIC tenke hare iha espíritu suporta no apresiasaun ba China, ho nia povu, no asaun ne’ebé China halo tiha iha liña frente ba moras ne’e, ho transparênsia, no espera ho susesu. Ho nesesidade solidaridade global, komite konsidera katak presija duni esforsu koordenadu global ida hodi hadia preparasaun iha rejiaun sira seluk iha mundu ne’ebé presija apoiu adisional ba ida ne’e.” - OMS

Situasaun relasaun ho infeksaun sira mak hanesan tuir mai:

  • Bazeia ba relaoriu, iha dadersan 31 Janeiru 2020, governu China konfirma katak ema nain 9 692 mak hetan infeksaun no hamutuk nain 213 mak mate tiha ona;
  • To’o agora seidauk rejista ema mate fora de China
  • Ema hamutuk nain 129 mak konfirmadu hetan infeksaun iha fora de China
  • Nasaun barak mak komsa evakua sira nia sidadaun sira hosi China
  • To’o oras ne’e Timor-Leste seidauk rejista pasiente ruma afetadu ba virus korona, maibé foin mak iha suspeitu sira, no notisia falsu kona-ba virus korona mós hahu la’o dadauk.

Fact-Checker Timor-Leste sei kontinua update #CoronaVirusFacts bainhira situasaun no kondisaun evolui.

Grafiku akonselamentu hosi OMS hodi mantein higiene nu’udar medida ida atu manetin seguru hosi infensaun virus korona.

Lee na'in: 2581 ...