Kinta, 13 Febreiru 2020 13:30

[FALSU] Deskonfia Sidadaun China Ida hetan Moras Virus Corona iha Timor Plaza Featured

Autor
Rate this item
(0 votes)

Iha loron Kuarta 12 Fevereiru 2020, mosu video ida viral tebes iha plata forma media sosial. Video badak ne’e kona-bá deskonfia sidadaun China ida sofre moras virus corona no monu derepente de’it iha Timor Plaza. Situasaun ne’e halo ema barak mak halai no buka sosa kedas masker iha tempu ne’eba.

Hafoin video badak ne’e sai viral, Timor-Leste Fact-Checker hahu halo verifiksaun ba video ne’e no detekta katak video ho durasaun segundu 00:00:18 ho nia ID 650098272469461 upload hosi Manuel Marques ba Fan Page Buka Hatene iha loron Kuarta 12 Fevereiru 2020 iha oras tuku 18:02 lorokraik ho titulu: Deskonfia sidadaun Cinesa ida iha Timor plaza, Dili hetan moras korona, Kuidadu mluk sira!!!.

Liu tiha oras balun nia laran, iha konfirmasaun ida hosi Ministériu Saúde Timor-Leste katak, sidadaun China ne’e la’os sofre moras virus corona, maibé sofre moras stroke.

Tuir mai deklarasaun husi Ministériu Saúde:

Hakarak atu informa ba komunidade tomak katak, realasiona ho akontesimentu ba sidadaun Xinés na'in-1 iha Loron 12/02/2020 iha Timor Plaza konfirmadu katak laos kazu Coronavirus, maibé Nia sofre Moras La Hadaet (stroke).

Husu favór konfirma uluk mai iha Ministério da Saúde antes halo publikasaun.

Husu ba komunidade hotu atu labele pániku ho informasaun ida-ne'e.

Obrigadu

Ministériu Saúde.

Links:

https://www.facebook.com/manuel.marques1990/videos/650098272469461/

https://www.facebook.com/MinisteriodaSaudeTL/videos/191948005208595/

Lee na'in: 2344 ... Atualizadu iha Kinta, 13 Febreiru 2020 14:12