Kwarta, 08 Janeiru 2020 23:00

Foto Kay Rala Xanana Gusmão Featured

Autor
Rate this item
(1 Vote)

Durante tinan hirak nia laran mosu fotografia Kay Rala Xanana Gusmão espalla no sai viral tebes iha mundu Internet.

Sosiedade sira iha Internet, liliu sira ne’ebé uja media sosial balun dalaruma hetan ona foto hirak ne’e iha plata forma media sosial, maibé kuaje barak mak laiha informasaun klaru kona-bá foto hirak ne’e hahu mosu ka públika iha kanal ida ne’ebé?

Públika iha sa tinan?

Fact-Checker

Fact-Check Timor-Leste iha resposta balun ba pergunta hirak iha leten. Foto hirak ne’e hahu públika uluk iha blogsopt ida nara https://manusleaks.wordpress.com iha loron 20 Janeiru 2015.

Fact-Checker Timor-Leste mós seidauk bele reklama katak foto tolu ne’e orijinal ka falsu, maibé esplika de’it prosesu inisiu foto sira mosu iha internet.

Deskrisaun

Bazeia ba informasaun iha blogsopt ne’e katak, molok sira públika foto hirak ne’e, iha loron 8 Janeiru 2015, Fotografu Australianu Ted McDonnell públika uluk ona foto rua iha nia site http://www.tedmcdonnell.com, maibé oras ne’e foto hirak ne’e la eziste ona iha Ted McDonnell nia site. La’ó mosu de’it iha site Manus Leaks no Ted nian, maibé mosu mós http://reflesaun.blogspot.com/2018/06/our-own-donald-trump.html ne’ebé públika tutan foto hirak ne’e iha loron 4 Juñu 2018 ho Artigu komparasaun entre Prezidente Estadus Unidus Amerika (EUA) ho Kay Rala Xanana Gusmão. Foto sira ne’e mosu mós iha Fan Page Republika Oecusse, no TIMOR POST INFO.

Ted McDonnell Vs Reflesaun Blogspot

Mosu informasaun kontrariu entre Manus Leaks ho Ted McDonnell kona-bá foto hirak ne’e. Ted argumenta katak foto hirak ne’e orijinal no hasai iha otel ida iha Bali, Indonesia, maibé informasaun seluk hosi blogspot Reflesaun katak foto hirak ne’e hasai iha Hotel Borobudur, Jakarta, Indonézia.

Konklusaun

Fact-Checker Timor-Leste mós seidauk iha abilidade naton hodi deskobre katak foto hirak ne’e falsu ka orijinal, maibé apenas hatudu de’it inisiu foto hirak ne’e mosu iha kanal ne’ebé no iha sa tinan.

Links ne’ebé públika foto hirak ne’e:

Lee na'in: 524 ... Atualizadu iha Kinta, 09 Janeiru 2020 22:36
Seluk iha kategoria ne'e: [FALSU] Sunu bandeira RDTL »