Kwarta, 05 Febreiru 2020 16:58

[HOAX] Pasiente Nain 5 Virus Korona Iha Ospital Kariadi, 1 Mate Featured

Autor
Rate this item
(0 votes)

Video badak ida ho nia durasaun segundu 36 viral tebes iha Indonézia, no ikus mai sirkula mós iha Timor-Leste. Utilizador plata forma media sosial hanesan Facebooker sira iha Timor-Leste mós hahu fahe tutan video ne’e maske video ne’e hoax.

Hafoin video badak ne’e sai viral, ekipa Fact-Checker KOMPAS nian hahu halo verifikasaun no rezultadu hosi verifikasaun ne’e detekta katak video ne’e hoax.

Fact-Checker Timor-Leste mós halo verifikasaun no halo tradusaun ba notisia KOMPAS nian ne’e hodi fó esklaresimentu ba utilizador Facebook sira iha Timor-Leste. Tanba saida mak Fact-Checker Timor-Leste halo ida ne’e, tanba video badak ne’e mós sirkula iha Timor-Leste.

Desinformasaun ka notisia falsu ohin loron laiha ona fronteira, no la’ós ema ida nia responsabilidade hodi kombate, maibé nu’udar ema hotu nia responsabilidade. Tanba ne’e, Timor-Leste Fact-Checker hola parte iha assuntu ne’e hodi fahe informasaun loloos ba ema hotu iha rai laran.

Tuir mai notisia verifikasaun hosi KOMPAS.com:

Kompas.com - 01/02/2020, 20:53 WIB

Hakerek Nain Vina Fadhrotul Mukaromah l Editor Virdita Rizki Ratriani

Video badak ida ne’ebé sirkula iha media sosial hatudu informasaun kona-bá suspeita pasiente virus korona iha ospital ida iha Indonézia.

Video ne’e sirkula iha WhatsApp no barak mak husu nia verasidade. Motivu tanba, to’o Sabadu (2/1/2020) meudia, seidauk iha konfirmasaun katak Indonézia positivu detekta virus ne’e.

Narativa ne’ebé sirkula:

Bazeia ba peskiza Kompas.com, informasaun kona-bá iha pasiente virus korona ne’e sirkula liuhosi WhatsApp. Video ne’e ho durasaun segundu 36. Informasaun ne’ebé temin iha video ne’e katak suspeita pasiente nain 5 virus korona iha ospital públiku Dr. Kariadi Semarang no temi pasiente ida mate.

Tuir mai narativa hosi video badak ne’e:

Pasiente lima virus corona hosi ospital balun iha Semarang hetan tratamentu intensivu iha ospital públiku Dr. Kariadi Semarang. Ida dehan mate, pasiente nain ha’at sira seluk hetan tratamentu intensivu iha sala isolamentu. Ho destreza ekipa médiku ne’ebé hatais ropa spesifiku taka metin lori pasiente ida-idak ba sala izolamentu iha sala Rajawali. Hosi pasiente lima ne’ebé kona virus corona ne’e, ida mate.

Informasaun ne’e loos?

Peskiza Kompas.com

Kompas.com halo vrifikasaun ba verasidade video ne’e. Video ne’e nu’udar video badak hosi video notisia ida kompletu ho durasaun minute 2, segundu 12. Video ne’e públika kompletamente iha konta You Tube KompasTV ho titulu RS Kariadi, Semarang Gelar Simulasi Penanganan Pasien Virus Corona iha loron 31 Janeiru 2020. Bazeia ba informasaun iha upload ne’e, temin katak video ne’e hatudu atividade simulasaun kona-ba alerta virus corona iha ospital Dr. Kariadi, Semarang.

Video ho durasaun segundu 36 antes ne’e sirkula nu’udar kontinuasaun informasaun  anterior hosi video kompletu ho narativa tuir mai ne’e: “Série ne’e nu’udar simulasaun ne’ebé hala’o iha parte ospital Dr. Kariadi Semarang ba atuasaun no prevensaun virus corona.”

Informasaun hansan mós kona-bá video falsu ho durasaun segundu 36 ne’ebé sirkuladu mós revela hosi xefe sentru dadus no informasaun BNPB, Agus Wibowo liu hosi nia konta Twitter.

 

 

Bainhira konfirma hosi Kompas.com, Sabadu (1/2/2020) kalan, Agus dehan, video kompletu ne’ebé loloos kona-bá simulasaun ko’a tiha, nune’e hamosu misinformasaun.

“Ne’e video badak hosi video simulasaun prevensaun virus corona iha ospital Kariadi Semarang. Ko’a tiha entaun ita hare hanesan video orijinal, afinal simulasaun de’it,” nia klarifika.

Links

Lee na'in: 1765 ...