Kinta, 09 Janeiru 2020 16:44

[FALSU] Sunu bandeira RDTL Featured

Autor
Rate this item
(0 votes)

Durante ne’e mosu fotografia bandeira RDTL ema sunu ne’ebé públika iha ID Facebook Oecusse Merdeka iha loron 31 Dezembru 2018. Foto ho nia lejenda BAKAR SAJA BENDERA FAHI AMAN, ne’ebé ema nain 146 mak fahe tutan, ema nain 125 mak halo komentariu, no ema nain 307 mak Like ne’ebé kompostu hosi ema nain 132 mak hirus, ema nain 124 mak Like baibain, ema nain 37 mak triste, ema nain 13 mak hamnasa, no ema nain ida de’it mak Like Super.

Foto ema sunu bandeira RDTL ne’e sai viral tebes iha plata forma media sosial. Ema barak hatene katak foto ne’e falsu, maibé balun dalaruma fiar katak asaun ema sunu bandeira RDTL ne’e loos.

Fact-Check

Hafoin asesu foto sunu bandeira RDTL iha ID Facebook Republik Oecusse, Fact-Check Timor-Leste hahu halo online fact-checking no verifika katak foto ne’e falsu, la’ós orijinal tanba ema iresponsavél sira mak manipula foto ne’e. Faktu hatudu katak foto ne’e nia orijin mak maluk Palestinianu sira sunu bandeira Estadus Unidus Amerika durante asaun protesta hasoru forsa Israel sira hodi kontra desijaun Prezidente Amerika Donald Trump ne’ebé rekoñese Jerusalem nu’udar kapital Israel. Asaun protesta no sunu bandeira Amerika ne’e akontese iha fatin ida naran Beit El, besik sidade West Bank, Ramallah iha loron Kinta 27 Dezembru 2018. Foto ne’e hasai hosi Jornalista Fotografu Agence France Press (AFP), Abbas Momani, no ikus mai públika tan iha The Mercury News iha loron Segunda 31 Dezembru 2018.

Konklusaun

Fact-Check Timor-Leste reklama foto asaun sunu bandeira RDTL ne’e falsu.

Links

https://www.facebook.com/Tiles.miskin/photos/a.2045511592406583/2060400134251062/?type=3&theater

https://www.mercurynews.com/2017/12/07/protests-erupt-over-decision-to-move-us-embassy/

Lee na'in: 580 ... Atualizadu iha Sexta, 10 Janeiru 2020 13:34