Iha loron 26 Janeiru 2020, kanal You Tube KLIBUR POST manipula tiha notisia Radio Televizaun Timor-Leste (RTTL) seksaun kriminal. Kanal YouTube ne’e inventa no manipula notisia ne’e ho titulu iha lian Indonézia katak
.
Video falsu ho nia durasaun 00:01:06 ne’e katak deskonfia kona virus Corona sidadaun Xineza ida hetan baku iha Timor-Leste. Video falsu ne’e halo ema hamutuk nain 25,402 mak hare ona, no sirkula barak mós plata forma media sosial hanesan Facebook. Ho sirkulasaun video falsu ne’e halo ema barak mak sente preokupa relasiona ho virus Corona ne’ebé hamate ona ema barak iha China (Wuhan), no ema rihun ba rihun ba afetadu ona iha nasaun balun iha mundu.
Hafoin video falsu ne’e sirkula barak iha media sosial, Fact-Checker Timor-Leste konsege identifika katak video ne’ebé públika iha kanal You Tube KLIBUR POST ne’e falsu, tanba manipula tiha notisia RTTL nian ne’ebé públika iha loron 3 Novembru 2018. Notisia orijinal ne’e ho nia durasaun 00:01:19 kona-bá sidadaun China ida ne’ebé kaben ho feto Timor. Iha kazu ne’e ninia rian rasik mak baku hodi rezulta sidadaun ne’e hetan kanek barak iha ulun no ba halo konsulta iha Hospital Nasional Guido Valadares (HNGV).
Reklama hosi : Kanal You Tube KLIBUR POST Fact – Check : FALSU
![[FALSU] Diduga Terk3na Vlrus Corona Warga Negara China Dih4j4r Di Timor Leste](/media/k2/items/cache/fc1da7257992fc36032e11db3df7a664_XL.jpg?t=20200129_145319)
