Kinta, 04 Febreiru 2021 11:07

PNTL atu halo check point iha munisipiu sira ne’e FALSU Featured

Autor
Rate this item
(0 votes)

DILI – Molok Prezidente Repúblika Francisco Guterres Lú Olo fo sai desijaun kona-ba extensaun Estadu emerjénsia ba dala sanulu (10), ema iresponsavél balun hahu lansa ona informasaun FALSU ba públiku katak Polisia Nasionál Timor-Leste (PNTL) sei halo check point (passa revista) iha munisipiu sira.

Informasaun FALSU ne’e la’o lais tebes tiha plata forma media sosial sira hanesan iha Facebook, no WhatsApp.

Botrde todos, Atu info deit ba ita htu katak lao karik lori ita nia identidade hanesan Eleitoral BI no seluk2 tan, tamba hahu aban PNTL sei halo Chek Point makas liu2 iha Municipio : Oecusse, Maliana, Covalima, Liquiça, Ermera, Aileu, Dili tamba agora ema tama ilegal husi Fronteira barak los. Ida ne dt maka atu info ba ita htu, karik bele info mos ba Familia sira htu, hodi antesipa deit. Obrigado ba atensaun.

Hafoin informasaun FALSU ne’e espalla barak iha públiku, ikus mai instituisaun PNTL hato’o klarifikasaun katak informasaun ne’e FALSU (HOAX).

AVIZU :
FO HATENE BA PUBLIKU KATAK INFORMASAUN NE'EBE ESPALLA IHA MEDIA SOSIAL HANESAN ANEXU IHA OKOS NE'E LA LOS (HOAX).

HUSU BA KOMUNIUDADE SIRA ATU LABELE FIAR INFORMASAUN FALSU NE'E TAMBA KOMANDU PNTL LA FO SAI INFORMASAUN SIRA HANESAN NE'E.

OBRIGADU BA ITA BOOT NIA ATENSAUN;

RELASAUN PUBLIKA MEDIA E PORTA VOZ DA PNTL
DATA ;28/01/2021

 

Lee na'in: 491 ... Atualizadu iha Kinta, 04 Febreiru 2021 11:24